Yr ardal gyfagos

Mae'r eiddo wedi ei leoli yn Sarn ger safle carafannau sefydlog bach, milltir o'r traeth a cheir mynediad iddo ar hyd trac preifat 100 llath. Cymer 45 munud i gerdded o'r bwthyn i Abersoch. Yno mae mân siopau, 'boutiques', archfarchnad fechan, banc, swyddfa bost, siopau pysgod a sglodion, llond dwrn o dai bwyta o safon, tafarndai a gwestai. Mae traeth tywod Porth Mawr yn un trawodiadol iawn yn ogystal a'r hen harbwr lliwgar. Mae nifer o draethau a sawl bae arall o fewn cyrraedd, fel Porth Ceiriad a Phorth Neigwl. Gallwch gyrraedd Pwllheli o fewn ugain munud( mewn car) lle mae nifer helaeth o siopau, archfarchnad neu ddwy, tai bwyta, tafarndai, gwestai, gorsaf tren, marina, theatr , sinema a traeth eang.

---

Abersoch Mae Abersoch yn boblogaidd iawn ac yn denu peldroedwyr ac ambell i 'seleb' nid anenwog sydd yn gwerthfawrogi y gornel freintiedig yma o Gymru. Ceir yma sawl 'boutique' ffasiynol, tai bwyta da, siopau, swyddfa Bost a banc heb anghofio'r golygfeydd gwych, traethau tywod glan, hwylio penigamp a machlud mawreddog wrth gwrs! Gallwch gerdded o Hafod y Nant i Abersoch mewn tri chwarter awr....

Pwllheli, yw prifddinas answyddogol Penrhyn Llŷn! Mae'n dref farchnad brysur, llawn cymeriad, rhyw ugain munud o Sarn (mewn car). Ar wahan i'r siopau, tai bwyta ac archfarchnadoedd, mae yma orielau celf, siopau hen bethau a siopau bach arbennigol.

Mae rhyw naws Ewropeaidd i'r dref hefo'i siopau coffi yma ac acw a'i strydoedd cul. Ymestyn y traeth deheuol am sawl milltir ac mae wedi ei wobrwyo a Baner Las Ewropeaidd.

---